აშშ-ის ვიცე-პრეზიდენტმა ჯეი დი ვენსმა Daily Mail-თან ინტერვიუში უკრაინის პრეზიდენტ ვოლოდიმირ ზელენსკიზე ისაუბრა და ის გააფრთხილა, რომ დონალდ ტრამპის ცუდად მოხსენიებით ახალ ადმინისტრაციასთან ურთიერთობებში წარმატებას ვერ მიაღწევს.

ვენსმა ასე ვოლოდიმირ ზელენსკის უპასუხა, რომელმაც განაცხადა, რომ დონალდ ტრამპი დეზინფორმაციულ გარემოშია მოხვედრილი.

ასევე იხილეთ: ზელენსკი: მიუხედავად უდიდესი პატივისცემისა, სამწუხაროდ, პრეზიდენტი ტრამპი დეზინფორმაციულ სივრცეში ცხოვრობს

ბოლო დღეების განმავლობაში ვოლოდიმირ ზელენსკისა და აშშ-ის ახალ ადმინისტრაციას შორის ურთიერთობები დაიძაბა იმის ფონზე, რომ დონალდ ტრამპი მშვიდობის მიღწევას დაჩქარებულად ცდილობს და უკრაინას მოლაპარაკებებში საკმარისად არ რთავს.

"იდეა, რომ ზელენსკი აპირებს პრეზიდენტის აზრის შეცვლას საჯარო მედიაში მისი ცუდი მოხსენიებით, ყველა, ვინც პრეზიდენტს იცნობს, გეტყვით, რომ ეს არის ამ ადმინისტრაციასთან ურთიერთობის საშინელი გზა" — განაცხადა ვიცე-პრეზიდენტმა.