6 სექტემბერს ვაშინგტონში, რუსეთის საელჩოსთან ქართულმა ასოციაციამ რუსული აგრესიის წინააღმდეგ მშვიდობიანი აქცია "არა ოკუპაციას" გამართა. აქციაში მონაწილეობდნენ როგორც საქართველოს, ისე აშშ-სა და უკრაინის მოქალაქეები.

ორგანიზატორების თქმით, ისინი გმობენ საქართველოს ოკუპაციასა და ყირიმის ანექსიას:

"ჩვენ ვაპროტესტებთ ქართველების ეთნიკურ წმენდას საკუთარ ისტორიულ სამშობლოში. ვაპროტესტებთ რუსეთის მიერ ოკუპირებულ ტერიტორიებზე ქართულენოვანი სკოლების დახურვას. ვაპროტესტებთ რუსეთის მიერ 1783 წლიდან რუსეთ-საქართველოს შორის ორმხრივი შეთანხმებების დარღვევას, მათ შორის, 2008 წლის 12 აგვისტოს შეთანხმებას ცეცხლის შეწყვეტის შესახებ."