ვოლოდიმირ ზელენსკი X-ზე მსოფლიო ლიდერებთან შეხვედრის შესახებ წერს და ამბობს, რომ ისინი გააფრთხილა, რომ არ დაიჯერონ, თითქოს პუტინი მზად არის ომის დასასრულებლად. უკრაინის პრეზიდენტის განცხადებით, პუტინთან არავითარი მოლაპარაკებები არ შეიძლება დაიწყოს ბილატერალურად — უკრაინისა და ევროპის გაერთიანებული პოზიციის გარეშე.

"ვესაუბრე პოლონეთის პრემიერმინისტრ დონალდ ტუსკს. განვიხილეთ პირობები, რომლებიც უკრაინაში ხანგრძლივი და ნამდვილი მშვიდობისთვისაა საჭირო და შევთანხმდით, რომ პუტინთან არავითარი მოლაპარაკებები არ შეიძლება დაიწყოს უკრაინის, ევროპისა და შეერთებული შტატების გაერთიანებული პოზიციის გარეშე.

პრემიერმინისტრს შევატყობინე პრეზიდენტ ტრამპთან ჩემი საუბრის შესახებ, და განვიხილეთ საკვანძო მესიჯები და ყველა ევროპელის პოზიციის კოორდინაციის საჭიროება მთლიანად ევროპისთვის წარმატებული შედეგების მისაღწევად.

ხაზი გავუსვი, რომ უკრაინა მოლაპარაკებებს ძალის პოზიციიდან უნდა აწარმოებდეს, ძლიერი და სანდო უსაფრთხოების გარანტიებით, და NATO-ს წევრობა პარტნიორებისთვის ყველაზე ხარჯთეფექტიანი იქნება. კიდევ ერთი საკვანძო გარანტია უკრაინის თავდაცვის ინდუსტრიაში სერიოზული ინვესტირებაა.

ასევე მსოფლიო ლიდერები გავაფრთხილე, რომ არ დაიჯერონ, თითქოს პუტინი მზად არის ომის დასასრულებლად”, — წერს ვოლოდიმირ ზელენსკი.