შამო უკვე ერთი წელია რაც იაპონიაში, ერთ-ერთ ცხოველთა თავშესაფარში ცხოვრობს.

მოზრდილი ტანის მქონე, რუხი კატა, თავისი უცნაური სახის გამომეტყველებით სხვა ყველასაგან განსხვავდება, რადგან ჭამის, თამაშისა თუ ფოტოების გადაღებისას დაგრჩებათ შთაბეჭდილება, რომ ის სულ უკმაყოფილო და გაბრაზებულია.

მიუხედავად მისი პირქუში ნაკვთებისა, ის ადამიანებს ძალიან უყვართ და მასზე შესაბამისადაც ზრუნავენ, რადგან გულის სიღრმეში ყველამ იცის, რომ შამო კეთილი და მოსიყვარულე კატაა.

ცოტა ხნის წინ შამო ტვიტერზეც გამოჩნდა, მისი პოსტები კი დიდი პოპულარობით სარგებლობს. როგორც აღმოჩნდა, უმიზეზოდ გაბრაზებული კატის ნახვა, ადამიანებისათვის ძალიან სახალისოა.

ფოტო: shamo_girl

როგორც ჩანს, პირქუში გამომეტყველების მქონე კატების მიღმა დიდი და გადამდები პოზიტივი იმალება.