ამერიკის შეერთებული შტატების პრეზიდენტმა, დონალდ ტრამპმა ევროკავშირში ელჩად სწრაფი კვების რესტორნების კომპანიის ყოფილი დირექტორი, 75 წლის, ენდრიუ პაზდერი წარადგინა, — ამის შესახებ პრეზიდენტი სოციალურ ქსელ Truth-ში წერს.

ტრამპის განცხადებით, 17-წლიანი მართვის პერიოდში პაზდერმა დაძლია კომპანიის ფინანსური სირთულეები, გადაარჩინა და ფინანსურად უზრუნველყოფილ, მზარდ კომპანიად აქცია.

"აღმასრულებელი დირექტორის პოსტზე, 17- წლიანი ყოფნის პერიოდში ენდიმ კომპანია სერიოზული ფინანსური სირთულეებიდან გამოიყვანა, რამაც მას საშუალება მისცა გადარჩენილიყო, გამხდარიყო ფინანსურად სტაბილური და განვითარებულიყო. ენდი შესანიშნავად დაიცავს ჩვენი ქვეყნის ინტერესებს ამ მნიშვნელოვან რეგიონში. გილოცავ ენდი", - წერს დონალდ ტრამპი Truth Social-ში.

პაზდერი CKE Restaurants-ის გენერალური დირექტორი იყო, რომელიც ფლობს სწრაფი კვების რესტორნების ქსელებს Carl's Jr-ს და Hardee's-ს.

ცნობისთვის, 2017 წელს, პრეზიდენტობის პირველ ვადაში დონალდ ტრამპი ენდრიუ პაზდერის შრომის მინისტრად დანიშვნას აპირებდა, მაგრამ ვერ შეძლო. რადგან ენდრიუ პაზდერს ყოფილი მეუღლე ძალადობაში ადანაშაულებდა. თავად ენდრიუ კი ამ ბრალდება უარყოფდა.