ზუგდიდში მიმდინარე პროევროპული საპროტესტო აქციის მონაწილეები, პარტია დროას წარმომადგენელი მარიამ სიჭინავა და სამოქალაქო აქტივისტი კერენ ესებუა ზუგდიდის რაიონულმა სასამართლომ დააჯარიმა.

მოსამართლე ფატი ფურცხვანიძემ ისინი სამართალდამრღვევებად ცნო ადმინისტრაციულ სამართალდარღვევათა კოდექსის 174-პირველი პრიმა მუხლის მეოთხე ნაწილით, რაც აქციაზე პიროტექნიკის გამოყენებას გულისხმობს.

აქტივისტები 5-5 ათასი ლარით დაჯარიმდნენ. მოსამართლე ფურცხვანიძემ აქტივისტები გაამართლა მათთვის წაყენებულ კიდევ ერთ მუხლში: ადმინისტრაციულ სამართალდარღვევათა კოდექსის 173-ე მუხლის პირველ ნაწილში, რაც პოლიციისადმი დაუმორჩილებლობას გულისხმობს.