საზოგადოებრივი მაუწყებლის აჭარის ტელევიზიის ჟურნალისტმა და წამყვანმა მარი ბოლქვაძემ გადაცემა მზია ამაღლობლისა და ბათუმში დაკავებული სტუდენტების სოლიდარობით დაიწყო.

"მივესალმები ჩვენს არხზე გაბრაზებულ მაყურებელს და მოკლედ ვიტყვი, რომ ჩვენი გადაცემისთვის ძალიან მნიშვნელოვანია საზოგადოებრივი მაუწყებლის სტანდარტის დაცვა და ვრჩებით იმ პრინციპებისა და ღირებულებების ერთგული, რომელიც ამ სტანდარტის გათვალისწინებით გვაქვს მონიჭებული. სოლიდარობა და თავისუფლება მზია ამაღლობელს, პატიმრობაში მყოფ სტუდენტებს და აქციებზე დაკავებულ ყველა პირს, რომელიც ამ დროისთვის ისევ რჩება საპატიმროში", — განაცხადა მარი ბოლქვაძემ გადაცემის დაწყებამდე.