ლიეტუვა უკრაინას 4 500 უპილოტო საფრენ აპარატს გადასცემს, რომელთა საერთო ღირებულება 5 მილიონი ევროა, — ამის შესახებ უკრაინული მედიის ინფორმაციით, ლიეტუვის თავდაცვის მინისტრმა, დოვილე საკალიენემ განაცხადა.

"მოხარული ვარ განვაცხადო, რომ ამ კვირაში ლიეტუვა უკრაინაში 5 მილიონი ევროს ღირებულების 4 500 დრონს აგზავნის", — აღნიშნა თავდაცვის მინისტრმა.

როგორც საკალიენე აღნიშნავს, მთავრობის ბოლო სხდომაზე, სახელმწიფო აქტივების გადაცემის დაჩქარებული პროცედურა დამტკიცდა. ეს უკრაინისთვის დახმარების გადაცემის პროცესში, ბიუროკრატიულ პროცედურებზე დახარჯულ დროს შეამცირებს.