ახალგაზრდა თაობისთვის ეს არის დაღუპვის მუხლი, ეს არ არის დასჯა, — ამის შესახებ ბიზნესმენმა, თემურ ჭყონიამ თბილისის საქალაქო სასამართლოსთან ტვ პირველთან საუბრისას განაცხადა, სადაც ის პროევროპულ აქციებზე დაკავებული 11 პირის მხარდასაჭერად იყო მისული.

"ახალგაზრდა თაობისთვის ეს არის დაღუპვის მუხლი, ეს არ არის დასჯა. ახალგაზრდა ბავშვებს უსჯიან 7, 8, 9 წელს. ვერაფრით გამომაქვს ლოგიკური დასკვნა. რა ხდება? მე თვითონაც არ ვიცი. ეს არის ჯიბრი საზოგადოებრივი პროტესტის მიმართ? გამძლეობას ამოწმებენ, ვინ როგორ გაუძლებს, თუ სახელმწიფოს სიმტკიცეს აჩვენებენ, თანამოქალაქეს რომ სჯიან იმის გამო, რომ პროტესტი გამოხატა ევროინტეგრაციის მხარდასაჭერად. პროტესტი გამოხატა, სხვა არაფერი დაუშავებია, პროტესტის გამოხატვის სიტუაცია შექმნა სახელმწიფომ", — განაცხადა ბიზნესმენმა.

მისი თქმით, ახალი არჩევნები თუ არ ჩატარდა, ასე გაგრძელდება ხანგრძლივად, ხალხი იდგება ქუჩაში, მსოფლიოს კი ახალ-ახალ სანქიცiებს დააწესებს, რაც ქვეყნის ეკონომიკას დააწვება.

"ახალი არჩევნები თუ არ ჩატარდა, ასე გაგრძელდება ხანგრძლივად, ხალხი — ქუჩაში, მსოფლიო დააწესებს სანქციებს, შეზღუდვებს, თანხების მიუღებლობას, რაც ეკონომიკას შეეხება, რა თქმა უნდა. საუბრობენ, პოლიტიკა არ უნდა იყოს ბიზნესშიო, მაგრამ, სამწუხაროდ, პოლიტიკა შევიდა უკვე ბიზნესის თემაში, ეკონომიკაში, ამიტომ დღეს სამართლიანი სწორი შეფასების გამოუხატაობა ნიშნავს იმას, რომ ეგუები რაღაც ცუდს", — განაცხადა თემურ ჭყონიამ.