საზოგადოებრივი მაუწყებლის განცხადებით, აღმასრულებელმა სამბჭომ კონკურსით შერჩეულ Modem/Art-ს რეკომენდაცია არ მისცა. გადაცემების ჩაშვების დადებით გადაწყვეტილებამდე კომისიამ გასცა რეკომენდაცია, რომ შექმნილიყო სამუშაო ჯგუფი, რომელიც დამატებით იმუშავებდა პროექტის ავტორებთან.

განცხადებიდან ირკვევა, რომ მას შემდეგ, რაც აღმასრულებელმა საბჭომ განიხილა პროექტები Modem/Art, სუპერ გმირი და ოკულარი, გადაცემების ეთერში გასვლის თაობაზე მათ რეკომენდაცია არ მიეცათ.

24 აგვისტოს საზოგადოებრივი მაუწყებლის სახელით თეონა ჯორბენაძემ მიიღო ოფიციალური მეილი, სადაც ეწერა, რომ პროექტი Modem/Art გამარჯვებულთა სიაში არ ყოფილა. წერილში ნათქვამია, რომ განხილვის შედეგად აღმასრულებელმა საბჭომ რეკომენდაცია არ მისცა Modem/Art-ს, ამიტომაც ეს პროექტი ეთერში არ გავიდოდა.

საზოგადოებრივი მაუწყებლის ახალი სეზონისთვის გადაცემების შესარჩევად კონკურსი სამ აპრილს გამოცხადდა. 21 ივნისს საზოგადოებრივი მაუწყებლის გადაცემების შესარჩევმა კომისიამ ცხრა გადაცემას რეკომენდაცია მისცა და გენერალურ დირექტორს შესთავაზა.