"ირაკლი რუხაძემ ჯობია ყაველაშვილს დაანებოს თავი და იმედს მიხედოს, — ამის შესახებ პარტია გახარია საქართველოსთვის ლიდერმა, გიორგი გახარიამ ტვ პირველის ეთერში თქვა. მისი თქმით, რუხაძე აქამდე "ქება-დიდებაში რომ იყო, "აპრავებდა" 28 ნოემბრის განცხადებასაც, ყაველაშვილსაც და ძალადობასაც".

"ირაკლი რუხაძემ ჯობია ყაველაშვილს დაანებოს თავი და “იმედს” მიხედოს. იმიტომ რომ იმედის ბრალეულობა იმ რეჟიმის გამყარებაში და ძალადობაში ბევრად უფრო დიდია, ვიდრე ყაველაშვილის. იმედის პროპაგანდისტული ეფექტი, არაფრით არ განსხვავდება იმ ნიღბის უკან დამალული მოძალადეებისგან, რომლებიც სცემდნენ მოქალაქეებს. ყველაზე მთავარი დამნაშავე ამ რეჟიმის გამყარების ჩამოყალიბებაში არის "იმედი" და დაანებოს თავი, იმედი გააკრიტიკოს. ახლა რომ გამოვიდა და ბრძნულ აზრებს რომ აფრქვევს და მანამდე ქება-დიდებაში რომ იყო, "აპრავებდა" 28 ნოემბრის განცხადებასაც, ყაველაშვილსაც და ძალადობასაც, იმედზე ილაპარაკოს ესე და მერე შევაფასებთ მის განცხადებას ყაველაშვილზე", — განაცხადა გიორგი გახარიამ იმედზე.

25 დეკემბერს ტვ იმედს მფლობელმა, ირაკლი რუხაძემ ტელეკომპანია იმედის ეთერში ბიზნესმენების "ოცნების" პრემიერ კობახიძესთან შეხვედრაზე ისაუბრა. სადაც თქვა, რომ "შესაძლებელია, უფრო უკეთესი ყოფილიყო რამე უფრო გამაერთიანებელი ადამიანი ყოფილიყო არჩეული [საპრეზიდენტო კანდიდატად], განსაკუთრებით ისეთი ადამიანი, რომელიც დასავლეთთან უფრო კონსტრუქციულად მუშაობდა, ვიდრე "ხალხის ძალა".

ამავე თემაზე:

ირაკლი რუხაძე: პრემიერს ვუთხარი, გულისყურით რომ გისმენდით, არ ნიშნავს, რომ ყველანი ვეთანხმებით

ირაკლი რუხაძე: შესაძლებელია, უკეთესი ყოფილიყო რამე უფრო გამაერთიანებელი ადამიანი ყოფილიყო არჩეული [საპრეზიდენტო კანდიდატად]