2017 წლის პირველ ექვს თვეში საქართველოში ოფიციალურად 255 ადამიანს უსმენდნენ, გასულ წელს 12 თვის განმავლობაში კი - 345-ს. მოსმენების შესახებ სტატისტიკას საქართველოს უზენაესი სასამართლო აქვეყნებს.

მიმდინარე წლის იანვარ-ივნისში საგამოძიებო ორგანოები მოქალაქეებს ოფიციალურად ყველაზე ხშირად თაღლითობის (47), გამოძალვისა (36) და ქრთამის აღების (26) საქმეებზე უსმენდნენ.

ამავე პერიოდში სატელეფონო საუბრის ფარული მიყურადებისა და ჩაწერის ვადის გაგრძელების თაობაზე საქალაქო/რაიონული სასამართლოების მიერ განხილულია 86 შუამდგომლობა, მათ შორის დაკმაყოფილდა 78, ნაწილობრივ დაკმაყოფილდა 8.

წელსაც, გასული წლის მსგავსად ყველაზე ხშირი მოთხოვნა მოსმენებზე თბილისის, ქუთაისისა და ბათუმის საქალაქო სასამართლოებში შევიდა და დაკმაყოფილდა კიდეც. სასამართლოებმა მხოლოდ 10 შემთხვევაში არ დააკმაყოფილეს საგამოძიებო სამსახურების მოთხოვნა.

2017 წლის 6 თვეში მოსმენების შესახებ უზენაესი სასამართლოს სტატისტიკა

2017 წლის 6 თვეში მოსმენების შესახებ უზენაესი სასამართლოს სტატისტიკა

ფოტო: უზენაესი სასამართლო / On.ge