ამერიკის შეერთებული შტატების სახაზინო დეპარტამენტმა უკრაინისთვის 20 მილიარდი დოლარის გამოყოფა დააანონსა. ინფორმაცია დეპარტამენტის ვებგვერდზეა განთავსებული.

"ეს თანხები, რომელთა გადახდაც რუსეთის გაყინული აქტივებიდან მიღებული შემოსავლით განხორციელდება, უკრაინას მხარდაჭერას გაუწევს, რადგან ის თავის ქვეყანას აგრესიული ომისგან იცავს", — განაცხადა აშშ-ის ფინანსთა მინისტრმა, ჯანეტ იელენმა.

ჯანეტ იელენის თქმით, ეს თანხები გააძლიერებს უკრაინის პოზიციას საკუთარი სუვერენიტეტის დაცვისა და სამართლიანი მშვიდობის მიღწევის საქმეში.

"ახლა პუტინი ჩართულია ჩვენს კოალიციასთან ნებისყოფის შეჯიბრში. მას იმედი აქვს, რომ დავიღლებით და უკან დავიხიეთ. კრეატიული პოლიტიკის შემუშავებითა და დიდი შვიდეულის ერთიანობით, ვაგზავნით უტყუარ შეტყობინებას, რომ რუსეთს ვაიძულებთ, თავისი უკანონო ომის ხარჯები დაეკისროს", — აღნიშნავს ჯანეტ იელენი.

ამასთან, მისი თქმით, უკრაინის მხარდაჭერა ასევე სასიცოცხლოდ მნიშვნელოვანია შეერთებული შტატების ეროვნული ინტერესებისთვის, რადგან უკრაინის დაცემის დაშვება გამოიწვევს პუტინის შემდგომ აგრესიას და საფრთხეს შეუქმნის ევროპაში აშშ-ის ნატოელი მოკავშირეების უსაფრთხოებას, რომელთა დაცვასაც შეერთებულ შტატებს ხელშეკრულება ავალდებულებს.