დროებით ოკუპირებული აფხაზეთის ე.წ. მთავრობის თქმით, რუსეთმა "რესპუბლიკას" ფინანსური დახმარება ყველა მიმართულებით შეუჩერა.

აფხაზეთის დე ფაქტო პრეზიდენტობის მოვალეობის შემსრულებლის, ბადრა გუნძბამ განაცხადა, რომ რეალური საფრთხე არსებობს იმისა, რომ ე.წ. საჯარო სექტორის მოქალაქეები ვეღარ აიღებენ ხელფასებს.

"მიმაჩნია, რომ ამ მხრივ, ჩვენ უნდა ვიყოთ მაქსიმალურად ღია ჩვენს მოქალაქეებთან. ყველამ კარგად იცით, რომ პირველი გარკვეული სიგნალები გაჩნდა საჯარო სექტორის თანამშრომლების, სოციალური სექტორის, მასწავლებლებისა და ექიმებისთვის დაფინანსების შეზღუდვის დაწესებით. ნოემბრიდან კი, ცნობილი მოვლენების შემდეგ, რუსულმა მხარემ ფაქტობრივად შეაჩერა თანადაფინანსება ყველა მიმართულებით. ეს ასევე შეეხო თავდაცვის უწყებას, შინაგან საქმეთა სამინისტროს, სახელმწიფო უსაფრთხოების სამსახურს და სხვა სამინისტროებსა და დეპარტამენტებს. მარტივად რომ ვთქვათ, დღეს ფაქტობრივად, პენსიების გარდა, თანადაფინანსების ყველა სხვა საშუალება შეჩერებულია", — განაცხადა ბადრა გუნბამ.

გავრცელებული ინფორმაციით, ოკუპირებული აფხაზეთისთვის ფინანსური დახმარების შეჩერების მიზეზი "რუსეთსა და აფხაზეთს შორის საინვესტიციო შეთანხმების" ვერ მიღება არის. გუნძმა ამბობს, რომ რუსეთის დაფინანსებების გარეშე უკიდურესად რთული იქნება სიტუაციის შენარჩუნება.