ქუთაისში საპროტესტო აქციაზე პოლიციამ არასრულწლოვანი ბიჭი დააკავა.

პირდაპირი ეთერის კადრებში ჩანს, რომ ბიჭი გონწასული წევს ქვაფენილზე, თუმცა პოლიციელები მაინც ცდილობდნენ მის დაკავებას.

როგორც აქციაზე მყოფმა თვითმხილველმა უთხრა, არასრულწლოვანი ბიჭი პოლიციის განყოფილებაშია გადაყვანილი.

"დედა მივიდა დაკავების ადგილას, სოციალური მუშაკიც მივა. ადმინისტრაციულით არის გადაყვანილი, ფერად კვამლს რომ უშვებს, ის უსვრია, ოღონდ ჩამქრალი იყო და არავინ არ დაშავებულა. თუმცა მაინც დააკავეს პოლიციელებმა.
ამ გაწევ-გამოწევის დროს ეს ბავშვი ცუდად გახდა, ორჯერ წაუვიდა გული. ამ ჭყლეტაში მოყვა მეორე ბიჭი, რომელიც დაშავდა და კლინიკაშია გადაყვანილი", — უთხრა თვითმხილველმა "ბათუმელებს".