ძლიერი საქართველო პარლამენტს მანდატების გაუქმების მოთხოვნით, დღეს ოფიციალურად მიმართავს.

პარტიის პრესსამსახურის ინფორმაციით, 28 ნოემბერს, 13:00 საათზე, ძლიერი საქართველოს ლიდერები: ანა დოლიძე, ლევან ცუცქირიძე, ირაკლი კუპრაძე, ქეთი თურაზაშვილი და საბა ბუაძე, საქართველოს პარლამენტში წარადგენენ ძლიერი საქართველოს პოლიტიკური ლიდერების ინდივიდუალურ განცხადებებს, მანდატების დათმობის შესახებ.

ცნობისთვის, ცენტრალურმა საარჩევნო ადმინისტრაციამ რეგისტრაცია უკვე გაუუქმა პოლიტიკური გაერთიანებების -კოალიცია ცვლილებისთვის, ერთიანობა-ნაციონალური მოძრაობის და ძლიერი საქართველო-ლელო, ხალხისთვის, თავისუფლებისთვის პარტიული სიით წარდგენილ დარჩენილ კანდიდატებს.

კოალიციამ ცვლილებისთვის საქართველოს პარლამენტს მანდატების დატოვებასთან დაკავშირებით ოფიციალურად უკვე მიმართა. პარლამენტში კოალიცია ცვლილებისთვის მანდატის მქონე 19-ვე წევრი მივიდა და განცხადება ინდივიდუალურად დაწერა.