თეთრ სახლში 25 ნოემბერს ოფიციალურად დაადასტურეს, რომ აშშ-მ უკრაინას რუსეთის ტერიტორიაზე ამერიკული შორი რადიუსის ATACMS რაკეტების გამოყენების ნება დართო.

თეთრი სახლის ეროვნული უსაფრთხოების საბჭოს მრჩეველმა, ჯონ კირბიმ განაცხადა, რომ ვაშინგტონმა ATACMS რაკეტების გამოყენებაზე "მითითებები შეცვალა".

"ახლა, მათ [უკრაინას] გადაუდებელი საჭიროების შემთხვევაში შეუძლიათ გამოიყენოს ATACMS რაკეტები თავდაცვისთვის. ახლა ასეთი საჭიროებაა კურსკში და მის გარშემო, კურსკის ოლქში.

…მაგრამ არაფერი შეცვლილა - კარგად, ცხადია, ჩვენ შევცვალეთ ინსტრუქცია და მივეცით მათ მითითებები, რომ მათ შეეძლოთ მათი გამოყენება ამ კონკრეტული ტიპის სამიზნეების დასარტყმელად“, — განაცხადა ჯონ კირბიმ ჟურნალისტის კითხვის საპასუხოდ.

შეგახსენებთ, რომ ინფორმაცია იმის შესახებ, რომ აშშ-მ უკრაინას ამერიკული შორი რადიუსის ATACMS რაკეტების გამოყენების ნება დართო, 19 ნოემბერს გავრცელდა.

როგორც 17 ნოემბერს Reuters წერდა, საპრეზიდენტო ვადის ამოწურვამდე 2 თვით ადრე, აშშ-ს პრეზიდენტის ჯო ბაიდენის ადმინისტრაციამ შეზღუდვები გააუქმა, რომლებიც უკრაინას რუსეთის ტერიტორიაზე ამერიკული იარაღის გამოყენებას უკრძალავდა და ნება დართო უკრაინას, რომ თავდაცვის გასაძლიერებლად კურსკის რეგიონში გამოიყენოს შორი დისტანციის ამერიკული ტაქტიკურ-ბალისტიკური ATACMS რაკეტები, რომელთა მოქმედების რადიუსი 300 კმ-ზე მეტია.