აქციის მონაწილეები ახალი პარლამენტის მიერ მუშაობის დაწყებას საკანონმდებლო ორგანოსთან აღმართულ რკინის ჯებირებზე ხელების ბრახუნით აპროტესტებენ.

აქციის მონაწილეები სკანდირებენ — "მონებო", "საქართველოს გაუმარჯოს". მომიტინგეებმა პარლამენტის შენობას ბოთლები და კვერცხებიც ესროლეს.

ამის პარალელურად, პარლამენტში მე-11 მოწვევის პირველი სხდომა მიმდინარეობს, სადაც უკვე აირჩიეს პარლამენტის თავმჯდომარე და ვიცე-სპიკერები.

პარლამენტის თავმჯდომარის პოსტზე ხმათა უმრავლესობით მმართველმა პარტიამ შალვა პაპუაშვილი აირჩია. პაპუაშვილმა პირველი ვიცე-სპიკერის თანამდებობაზე გია ვოლსკი წარადგინა, რომელიც 88 ხმით ერთხმად დაამტკიცეს. უმრავლესობის კვოტით ვიცე-სპიკერებად, ასევე, არჩეული არიან თეა წულუკიანი და ნინო წილოსანი.

პარლამენტი

პარლამენტი