საგამოძიებოში მითხრეს, რომ გაურკვევლობა მოხდა. მისვლის შემდგომ, როდესაც დაინახეს, რომ სიმაღლეში 155 სმ ვარ, უკან წაიღეს თავიანთი აბსურდული ბრალდება, — ამის შესახებ სოციალურ ქსელში გაყალბებული არჩევნების წინააღმდეგ პროტესტი მონაწილე ლიზი თირქია წერს. მისი თქმით, პროკურატურა გამოძიების დაწყებას მისი და მისი მეგობრების დასაშინებლად აპირებდნენ.

"საგამოძიებოში მითხრეს, რომ გაურკვევლობა მოხდა. მისვლის შემდგომ, როდესაც დაინახეს, რომ სიმაღლეში 155 სმ ვარ, უკან წაიღეს თავიანთი აბსურდული ბრალდება.

ჩემზე გამოძიების დაწყებას ჩემი და ჩემი მეგობრების დასაშინებლად აპირებდნენ, თუმცა გამორჩათ ფაქტი, რომ მანამდე წიწაკის სპრეიმაც არ გაჭრა, რის შედეგადაც საავადმყოფოში აღმოვჩნდი.

აქამდე ჩემთვისაც წარმოუდგენელი იყო მსგავსი "შეცდომები" საგამოძიებო უწყებების მხრიდან, თუმცა ახლა აღარაფერი მიკვირს.

რაც შეეხება გამოძიებას — გამომძიებელს ყველა ფაქტი დეტალურად მოვუყევი, თუმცა იმ უწყებისგან, რომელსაც დღემდე არ გამოუძიებია არცერთი ძალადობის ფაქტი, როგორც პოლიტიკურ ლიდერებზე, ასევე სამოქალაქო აქტივისტებზე, რა თქმა უნდა, არ მაქვს არანაირი მოლოდინი იმისა, რომ მე აღმოვჩნდები ის ერთადერთი", — წერს ლიზი თირქია.

მანამდე ლიზი თირქია დაწერა, რომ სპეციალური საგამოძიებო სამსახურიდან დაურეკეს და უთხრეს, რომ აქციაზე 5 პოლიციელს თავს დაესხა, გაიქცა იმალებოდა.

"სპეციალური საგამოძიებო სამსახურიდან დამირეკეს და მეუბნებიან, რომ აქციაზე 5 პოლიციელს თავს დავესხი, გავიქეცი და ვიმალები.

მათ ენაზე "პაბეგში" ვარ", — დაწერა ლიზი თირქიამ.