სახელწიფო უსაფრთხოების სამსახურის ინფორმაციით, აღნიშნული სამსახურის ანტიკორუფციული სააგენტოს თანამშრომლებმა ქრთამის აღების ბრალდებით ასპინძის მუნიციპალიტეტის საკრებულოს დეპუტატი, საბიუჯეტო-საფინანსო, ეკონომიკისა და ქონების მართვის კომისიის თავმჯდომარე, თემურ პლაჭიაშვილი დააკავეს.

გამოძიება თემურ პლაჭიაშვილს 3 ათასი ლარის ქრთამად აღებაში ედავება. სუს-ის ინფორმაციით, პლაჭიაშვილმა კანონით გათვალისწინებული პროცედურების გვერდის ავლით სახელმწიფოს კუთვნილი 150ჰა მიწის ფართობი მოქალაქეს დროებით სარგებლობაში გადასცა და შემდგომი მფარველობის სანაცვლოდ მას აღნიშნული თანხა გამოართვა.

გამოძიება სსკ-ის 338-ე მუხლის 1-ლი ნაწილით მიმდინარეობს, რაც ქრთამის აღებას გულისხმობს და სასჯელის სახით 6-დან 9 წლამდე ვადით თავისუფლების აღკვეთას ითვალისწინებს.

თბილისის საქალაქო სასამართლომ თემურ პლაჭიაშვილს აღკვეთის ღონისძიების სახით პატიმრობა შეუფარდა.