მერაია ქერის ძმამ 2021 წელს ცილისწამებისთვის უჩივლა. მორგანი ამტკიცებს, რომ ქერიმ თავის მემუარებში იცრუა, როდესაც თქვა, რომ ძმა მასზე ძალადობდა და ნიუ-იორკის ღამის კლუბში ნარკოტიკებს ყიდდა. გავრცელებული ინფორმაციით, მერაიას და მორგანს 1994 წლის შემდეგ ერთმანეთთან კონტაქტი არ აქვთ.

"მე ვიყავი პატარა გოგონა, რომელსაც ძალიან ცოტა კარგი მოგონება ჰქონდა უფროსი ძმაზე. უფრო ხშირად მიწევდა, რომ მისგან თავი დამეცვა და ზოგჯერ დედასაც კი — ვიცავდი მისგან" — ვკითხულობთ მერაიას მემუარებში

მორგანმა მერაიას მონათხრობი უარყო და თქვა, რომ კერიმ მას ცრუ, მტკივნეული და ცილისმწამებლური ბრალდებები წაუყენა.

"ამ ქმედებას დიდი მწუხარებითა და იმედგაცრუებით უყურებს მორგანი და თავისი დის ღალატისა და მავნე სიცრუის დამო გულნატკენი უფროა, ვიდრე გაბრაზებული" — ნათქვამია სარჩელში

ფოტო: Reddit

მოსამართლემ 2022 წელს სარჩელის უმეტესი ნაწილი არ დააკმაყოფილა, მაგრამ ორი პუნქტის განხილვა გაგრძელდა. კერძოდ, ერთი საკითხი მორგანის ნარკოტიკებით ვაჭრობას ეხება. სწორედ ამ საქმესთან დაკავშირებით მოუწევს მომღერალს ჩვენების მიცემა. მოსალოდნელია, რომ ადვოკატები ქერისგან ბრალდებების მტკიცებულებებს მოითხოვენ.

"მერაის მხოლოდ ფიცის ქვეშ კითხვებზე პასუხი არ მოუწევს. მას მოუწევს მოჰყვეს, თუ როგორ მიაყენა განზრახ ზიანი თავის ძმას. საზოგადოება გაიგებს სიმართლეს მათ ურთიერთობაზე და დაინახავს ვინ არის სინამდვილეში მსხვერპლი" — განაცხადა მორგანის ადვოკატმა, რიჩარდ ალტმანმა.

ცნობისთვის, მორგანი ერთადერთი არაა ვინც შობის დედოფალს ცილისწამებაში სდებს ბრალს. მერაიას იმავე მიზეზით უფროსმა დამ, ელისონმაც, უჩივლა. ელისონი აგვისტოში, 63 წლის ასაკში, გარდაიცვალა.