დონალდ ტრამპის ახალ ადმინისტრაციაში ყოფილი სახელმწიფო მდივანი მაიკ პომპეო არ იქნება. ამის შესახებ შეერთებული შტატების ახალარჩეულმა პრეზიდენტმა დონალდ ტრამპმა სოციალურ ქსელ Truth Social-ში დაწერა.

ტრამპი ამბობს, რომ პომპეოს გარდა ახალ ადმინისტრაციაში თანამდებობა არც აშშ-ს ელჩს გაეროში ნიკი ჰეილის ექნება.

"მე არ მოვიწვევ ყოფილ ელჩს ნიკი ჰეილის და ყოფილ სახელმწიფო მდივან მაიკ პომპეოს ტრამპის ადმინისტრაციაში, რომელიც ამჟამად ფორმირების პროცესშია. მე ძალიან მსიამოვნებდა და ვაფასებდი მათთან მუშაობას და მინდა მადლობა გადავუხადო მათ ჩვენი ქვეყნისთვის გაწეული სამსახურისთვის“, — წერს ტრამპი.