ოზურგეთში, სამოქალაქო მოძრაობა თავისუფლებისთვის მუნიციპალურმა ინსპექციამ, საკუთარ ოფისზე საპროტესტო ბანერის "რუსულმა ოცნებამ არჩევნები მოიპარა" გადმოფენის გამო, 1 500 ლარით დააჯარიმა.

"ჩვენი ორგანიზაციის აივანზე გადავფინეთ ბანერი წარწერით, "რუსულმა ოცნებამ არჩევნები მოიპარა" და ამაზე მუნიციპალურმა ინსპექციამ დაგვაჯარიმა 1 500 ლარის ოდენობით, მათ ეს ბანერი დააიდენტიფიცირეს, როგორც უკანონო რეკლამა. ჩვენ მათ ვუხსნიდით, რომ ეს არის საპროტესტო ბანერი და ჩვენი პროტესტის ფორმა. მათ გაგვაფრთხილეს, რომ თუ ამ ბანერს არ ჩამოვხსნიდით კიდევ მოვიდოდნენ და დაგვაჯარიმებდნენ ჯერ 3 000-ით, 5 000-ით და ა.შ" — უთხრა NEWS.On.ge-ის ორგანიზაციის ერთ-ერთმა დამფუძნებელმა თამარ მიქაძემ.