მე განცვიფრებული ვარ თქვენი სიმტკიცითა და მონდომებით, აიშენოთ თავისუფალი და ევროპული მომავალი, — ამის შესახებ მოლდოვაში მეორე ვადით ახლად არჩეული პრეზიდენტი, მაია სანდუ სოციალურ ქსელში წერს. მისი თქმით, მოლდოვა ქართველი ხალხის გვერდითაა.

"გუშინ მოლდოველებმა ევროპულ გზაზე წინ გადამწყვეტი ნაბიჯი გადადგეს. თუმცა მოლდოვაში - და ჩვენი რეგიონის მასშტაბით - დემოკრატიისთვის ბრძოლა გრძელდება.

ქართველ ხალხს: მე განცვიფრებული ვარ თქვენი სიმტკიცითა და მონდომებით, აიშენოთ თავისუფალი და ევროპული მომავალი. ძლიერად დადექით - მოლდოვა თქვენთანაა", – წერს მოლდოვის პრეზიდენტი მაია სანდუ X-ზე.

მოლდოვაში 3 ნოემბერს საპრეზიდენტო არჩევნების მეორე ტური ჩატარდა, სადაც ქვეყნის მოქმედმა პრეზიდენტმა, პროევროპელმა მაია სანდუმ ხმების 55.3%-ით პროპრუსი მოლდოვის ყოფილი გენერალური პროკურორი, ალექსანდრ სტოიანოგლო დაამარცხა. მას გამარჯვება უკვე მიულოცა საქართველოს პრეზიდენტმა, სალომე ზურაბიშვილმა.