ქართული ოცნების საპატიო თავმჯდომარე, ბიძინა ივანიშვილი, მეუღლე ეკატერინე ხვედელიძესთან და შვილებთან ერთად მთაწმინდის საარჩევნო უბანზე გამოცხადდა და კენჭისყრაში მონაწილეობა მიიღო.

ივანიშვილმა მოგვიანებით ჟურნალისტებთან კომენტარი გააკეთა და თქვა, რომ უცხო ქვეყანას საქართველოსადმი გამოკვეთილი აქვს ინტერესები.

"მინდა მივმართო საზოგადოებას, გამოვიდნენ არჩევნებზე. ან ჩვენ ვირჩევთ მთავრობას, რომელიც მოგემსახურებათ თქვენ, ჩვენს სამშობლოს, ქართველ ხალხს, ან ვირჩევთ უცხო ქვეყნის აგენტურას, რომელიც შეასრულებს უცხო ქვეყნის ინტერესებს. ეს არჩევნები გამორჩეულია იმითაც, რომ უცხო ქვეყანას გამოკვეთილი აქვს ინტერესები, რომელიც შეუძლია დაავალოს აგენტურას, თუ ჩვენ მოვახერხებთ და მათ ავირჩევთ.

[...]ჩვენ უნდა მოვახერხოთ ამ არჩევნებით და პოლიტიკა გავასუფთაოთ კრიმინალისგან. უნდა მოვახერხოთ, ხარისხობრივად მივიღოთ ახალი საზოგადოება, სადაც არ იქნება სიძულვილის ენა, ასეთი პოლარიზაცია", — ამბობს ბიძინა ივანიშვილმა.