2024 წლის საპარლამენტო არჩევნებისთვის საარჩევნო უბნები 06:45 საათზე გაიხსნა, კენჭისყრა კი 08:00 საათზე დაიწყო.

საქართველოს პრეზიდენტი, სალომე ზურაბიშვილი საარჩევნო უბანზე 8:00 საათზე მივიდა. ამ წუთისთვის პრეზიდენტმა თავისი არჩევანი უკვე გააკეთა.

პრეზიდენტმა არჩევნების დღეს პირველი კომენტარი გააკეთა:

"მთელს საქართველოს მინდა მივულოცო დღევანდელი დღე, რომელიც არის დღე ბედნიერი. მე ხმა მივეცი არა ვის, არამედ რას, ამჯერად. ხმა მივეცი ახალ საქართველოს, იმ საქართველოს, რომლის გულისთვისაც ამ ქვეყანაში 22 წლის წინ ჩამოვედი, რომელზეც ჩემი წინაპრები ლოცულობდნენ. მე მივეცი ხმა იმ საქართველოს, რომელზეც, დარწმუნებული ვარ, ლოცულობს მთელი საქართველო. საღამოს ჩვენ ვიქნებით ყველანი გამარჯვებულები. დამარცხებული არავინ იქნება, იმიტომ, რომ გაიმარჯვებს საქართველო", — განაცხადა პრეზიდენტმა ხმის მიცემის შემდეგ.