2024 წლის საპარლამენტო არჩევნებისთვის პარტია ქართული ოცნების მთავარი გზავნილი მშვიდობაა. თუმცა, მშვიდობის მათი გაგება, როგორც ჩანს, განსხვავდება მშვიდობის მშენებლობისა და კონფლიქტების ტრანსფორმაციის საერთაშორისოდ აღიარებული პრინციპებისგან. ეს უკანასკნელი მშვიდობის ნაწილად მოიაზრებს კონფლიქტის შედეგად დაზარალებულთა, განსაკუთრებით საოკუპაციო ხაზთან მცხოვრები მოქალაქეების ღირსეულ და მშვიდ ცხოვრებასაც.

2008 წლიდან 2024 წლის 1 ოქტომბრამდე რუსეთის საოკუპაციო ძალებმა უკანონოდ დააკავეს საქართველოს 3 536 მოქალაქე, მათ შორის არასრულწლოვანები და მოხუცები. ამ დაკავებებიდან რამდენიმე ტრაგიკულადაც დასრულდა. მიუხედავად ამ მძიმე შემთხვევებისა, ქართული ოცნების საარჩევნო რიტორიკა დიდწილად აიგნორებს ამ საკითხს.