დონალდ ტრამპის საარჩევნო შტაბმა აშშ-ის ფედერალურ საარჩევნო კომისიას (FEC) გაერთიანებული სამეფოს ლეიბორისტული პარტიის წინაღმდეგ მიმართა და მას ბრალი "აშკარა საგარეო ჩარევაში" დასდო ჰარისის კამპანიის სასარგებლოდ.

სარჩელში მაგალითად მოყვანილია მედიაში გავრცელებული ცნობები კამალა ჰარისის კამპანიასა და ლეიბორისტულ პარტიას შორის კონტაქტების არსებობის შესახებ.

BBC-ის ცნობით, ლეიბორისტი აქტივისტები აშშ-ის საპრეზიდენტო კამპანიაში მონაწილეობას მოხალისეობრივად, საკუთარი სახსრებით იღებენ. თავად ლეიბორისტულ პარტიას კომენტარი ჯერ არ გაუკეთებია.