ინტერნეტში, სავარაუდოდ, ბიძინა ივანიშვილის სატელეფონო ჩანაწერი ვრცელდება. Cyber Kmara - ს გავრცელებულ 9 წუთიან ვიდეომასალაში, სავარაუდოდ, ბიძინა ივანიშვილი, მის თანაშემწე ვალენტინა მოროზოვასთან მოსკოვში ბინების ფასებს არკვევს. ჩანაწერის მიხედვით, 1965 წლის 26 მაისს დაბადებული ვალენტინა მოროზოვა, სავარაუდოდ, მოსკოვში ბიძინა ივანიშვილის პერსონალური ასისტენტია. საუბრის ბოლოს, სავარაუდოდ, ივანიშვილი მას ოჯახის ექიმთან დალაპარაკებას და მისი სურვილების შესაბამისი ბინის მოძებნას ავალებს. ჩანაწერში ნათქვამია, რომ ივანიშვილების ოჯახის ექიმი რუსია.

Cyber Kmara - ს ინფორმაციით, ივანიშვილს ბიზნესის სამართავად მოსკოვში საიდუმლო ოფისი აქვს. მათივე მტკიცებით, ოფისს ივანიშვილის ნდობით აღჭურვილი პირი ადრეი დრიომინი მართავს, რომელსაც ივანიშვილი "პროტეჟედ" მოიხსენიებს.

Youtube-ზე გამოქვეყნებული სატელეფონო ჩანაწერი 2020 წლის 17 ოქტომბრითაა დათარიღებული.