ისრაელის არმიამ მორიგი თავდასხმისას სამი ლიბანელი ჯარისკაცის დაღუპვის გამო ბოდიში მოიხადა. განცხადებაში ნათქვამია, რომ ისინი ქვეყნის სამხედროებსა და ჯარს არ ებრძვიან. IDF-ის მტკიცებით, მათი ინფორმაციით, ავტომობილში, რომელიც მიზანში ამოიღეს, ჰეზბოლას შეიარაღებული დაჯგუფება იმყოფებოდა, თუმცა შეცდნენ.

ისრაელის არმიამ ბოდიში გუშინ, 21 ოქტომბერს მოიხადა.

ამასთან, ისრაელმა ჰეზბოლას მფლობელობაში არსებული ფინანსური ინსტიტუტების ათობით ფილიალი გაანადგურა, რომლებშიც მრავალი ადამიანი ინახავდა დანაზოგებს, თუმცა ისრაელის თქმით, ჰეზბოლას თავდასხმები სწორედ ამ დაწესებულებების ფინანსების მეშვეობით ხორციელდებოდა.