ქართული ოცნების აღმასრულებელი მდივანი, მამუკა მდინარაძე ოცნების ახალ საარჩევნო კლიპში საქართველოს ეროვნული საფეხბურთო ნაკრების ფეხბურთელების, ლუკა ლოჩოშვილის, ოთარ კიტეიშვილის, გიორგი გველესიანისა და ოთარ კაკაბაძის მონაწილეობას სოციალურ ქსელში გამოეხმაურა.

მდინარაძის თქმით, ფეხბურთელებს "სადაც უნდათ, იქ მიიღებენ მონაწილეობას და არავის კითხავენ"

"ჯენზი თაობის წარმომადგენლის, ნაცებისგან ბავშვობაწართმეული თედო ბიტბუნოვის ბულინგის მცდელობის შემდეგ, ახლა სტარტს ჩვენი გმირი ფეხბურთელების ბულინგის კამპანიას აღებინებენ.

აქაც მხოლოდ იმის გამო, რომ "ქართული ოცნების" კლიპში მიიღეს მონაწილეობა.

სადაც უნდათ, იქ მიიღებენ მონაწილეობას და არავის კითხავენ. ამავე დროს, კიდევ მრავალჯერ ასახელებენ თავის სამშობლოს და კიდევ ბევრჯერ ვიამაყებთ მათი გმირული თავდადებით და ბრძოლის ჟინით!

მართლა უნდა დამთავრდეს ამ ქვეყანაში გოიმების მიერ ტრენდის შექმნის ილუზიები და ფაშისტური ბულინგის კამპანიები! ჩვენი გასაკეთებელია, ქართველ ხალხთან ერთად!" — წერს მდინარაძე სოციალურ ქსელში