ჯეკ ნიკოლსონის ვაჟი, რეი ნიკოლსონი, საოცრად ჰგავს მის ცნობილ მამას. ამან რეის საშინელებათა ფილმში როლიც კი, მოუტანა. ფილმში, ღიმილი 2, პოპ ვარსკვლავს, რომელსაც ნაომი სკოტი ასრულებს, ბოროტი არსება დასდევს. არსებას სხვადასხვა ადამიანის სახის მიღება შეუძლია. რეი ნიკოლსონი ამ სახეებიდან ერთ-ერთის, მთავარი პერსონაჟის ყოფილი ქმრის, როლს ასრულებს, თან ძალიან კარგად. შეუძლებელია მის შესრულებაზე არ გაგახსენდეს ჯეკ ნიკოლსონის ლეგენდარული პერსონაჟი ფილმიდან The Shining. რეიმ ჯეკის საფირმო ღიმილი ნამდვილად გააცოცხლა და კიდევ ერთხელ დაგვარწმუნა, რომ მამამისს გაჭრილი ვაშლივით ჰგავს.

ფოტო: aol

"დედაჩემი მეუბნება ხოლმე: "რეი, შენ ისეთი ლამაზი ბიჭი იყავი და მერე მამაშენს დაემსგავსე"" — იხუმრა რეიმ CBS Mornings-თან ინტერვიუში, როდესაც მას ჯეკ ნიკოლსონთან მსგავსებაზე კითხეს. რეიმ ინტერვიუში ისიც აღნიშნა, რომ მამამისთან სამსახიობო კარიერაზე დიდად არ საუბრობს, "ვფიქრობ რომ მის რჩევას ზედმეტად დიდ მნიშვნელობას მივანიჭებ, მე კი, მჭირდება ჩემი გზა ვიპოვო", განაცხადა მან.

რეის აზრით, ის და მამამისი ძალიან განსხვავდებიან ერთმანეთისგან:

"მე დავიბადე 1992 წელს, ის დაიბადა 1937 წელს. ის, რაც ჩემზე მოქმედებს, სულაც არ მოქმედებს მასზე. ცხადია, მე ის მიყვარს. ის ჩემი ინსპირაციაა. ყოველ საღამოს მასთან ერთად ვსადილობდი. მისგან ვისწავლე ადამიანობა. ჩვენ განსხვავებული ადამიანები ვართ, მაგრამ ერთმანეთს, ძალიან კარგად ვუგებთ. მამაჩემი ძალიან მიყვარს. ის ჩემი გმირია." — განუცხადა რეიმ Deadline-ს ღიმილი 2-ის პრემიერაზე.

ცნობისთვის, რეი ჯეკ ნიკოლსონისა და მსახიობ რებეკა ბრუსარდის უფროსი შვილია.

ასევე იხილეთ: