საქართველოს პრეზიდენტი სალომე ზურაბიშვილი ორბელიანების სასახლეში ყოფილ პრემიერ-მინისტრს, ნიკა გილაურს ხვდება, — ინფორმაციას რუსთავი 2 ავრცელებს.

კურიერის ინფორმაციით, სალომე ზურაბიშვილის ტექნიკური მთავრობის პრემიერობის კანდიდატი ნიკა გილაურია. გილაური კურიერის კამერამ ათონელის რეზიდენციაში შესვლის დროს გადაიღო. უკვე ერთი საათია, ორბელიანების სასახლეში ნიკა გილაურსა და სალომე ზურაბიშვილს შორის დახურულ კარს მიღმა შეხვედრა მიმდინარეობს. მას სალომე ზურაბიშვილთან შეხვედრის წინ კომენტარი არ გაუკეთებია.

ნაციონალური მოძრაობის მმართველობის დროს გილაურს პრემიერ-მინისტრის პოსტი ეკავა. მანამდე ის ენერგეტიკის და ფინანსთა სამინისტროებს ხელმძღვანელობდა.