ჩეჩნეთის ლიდერი რამზან კადიროვი ძალოვანი სტრუქტურების წარმომადგენლებს შეხვდა, სადაც საკითხი წამოაყენა ადმინისტრაციული სამართალდამრღვევები ფრონტის ხაზზე, უკრაინაში გაგზავნის თაობაზე.

"მომავალში მათთან ხანმოკლე საუბარი გვექნება. არ სცემ კანონს პატივს? ან ციხეში მაქსიმალური სასჯელით წახვალ, ან ხელი მოაწერე სამხედრო კონტრაქტს და გაემგზავრე სპეციალური საბრძოლო ოპერაციის ზონაში. იქ, მტერს უჩვენე შენი სიმამაცე", — თქვა კადიროვმა.

ჩეჩნეთის ლიდერის თქმით, იმ ახალგაზრდების მცირე ნაწილი, რომელიც არ სწავლობს, არ ცხოვრობს ტრადიციების დაცვით და არ არის დაკავებული სპორტით, მათი დასჯა იქნება რესპუბლიკისთვის სასარგებლო.

შეხვედრაზე Wildberries-ის ინციდენტიც იყო ნახსენები, რაზეც კადიროვმა განაცხადა, რომ ადამიანები, რომლებიც ცდილობენ ამ ამბის ნაციონალური ელფერი მისცენ მას უნდა მიმართონ, რადგან ის არის "მთავარი კადიროველი".

"განვიხილეთ Wildberries ამბავი. შემთხვევა, რომელიც სამწუხაროდ მსხვერპლით დასრულდა. არიან ადამიანები, რომლებიც ცდილობენ ამას ნაციონალური ელფერი მისცენ და იძახიან, რომ კონფლიქტი კადიროველებმა დაიწყეს. მივმართავ ყველას, ვინც ამ თემას აზვიადებს. თუ გაქვთ კადიროველებთანპრეტენზიები, მომმართეთ, მთავარი კადიროველი მე ვარ", — თქვა მან.

ინფორმაციისთვის, სექტემბერში ონლაინ მაღაზია Wildberries-ის ყოფილი ხელმძღვანელი, ვლადისლავ ბალაჩუკი თავს დაესხა კომპანიის საწყობს. შემთხვევა რამდენიმე ადამიანის სიკვდილით დასრულდა. შემთხვევის ამსახველ ვიდეოში, რომელიც სოციალურ ქსელში გავრცელდა ჩანს, რომ თავდამსხმელებს შორის ერთ-ერთი ჩეჩნეთის რესპუბლიკის ყოფილი მაღალჩინოსანი — ანას ელმურზაევია. ადგილზე სპეცრაზმ ახმატის რამდენიმე წევრიც იმყოფებოდა.