დუბაის ავიაკომპანია Emirates-მა თავის თვითმფრინავებში პეიჯერებისა და რაციების ატანა აკრძალა. ამის მიზეზი გასულ თვეში ლიბანში მომხდარი "ინციდენტი" გახდა, როცა ჰეზბოლას წევრებს ერთდროულად ათასობით ასეთი მოწყობილობა აუფეთქდათ.

"ნებისმიერ მგზავრს, რომელიც დუბაისკენ ან დუბაიდან მგზავრობს, ეკრძალება ხელბარგსა და შემოწმებულ ბარგში რაციისა და პეიჯერის მოთავსება. ასეთის აღმოჩენის შემთხვევაში, მას დუბაის პოლიცია ჩამოგართმევთ", — ვკითხულობთ ავიაკომპანიის განცხადებაში

როგორც აღინიშნა, რამდენიმე კვირის წინ მთელ ლიბანში ათასობით აფეთქება მოხდა. ლიბანის ხელისუფლებამ ამაში ბრალი ირაელს დასდო. აფეთქებათა სერიას, სულ მცირე, 37 ადამიანი, ემსხვერპლა, ხოლო 3000-მდე ადამიანმა სხვადასხვა სიმძიმის დაზიანება მიიღო.

CNN-ს ლიბანის უშიშროების წარმომადგენელმა განუცხადა, რომ ასაფეთქებელი ნივთიერება მოწყობილობების ლითიუმის ბატარეებში იყო მოთავსებული.