გორში, მრავალსართულიანი კორპუსის მე-4 სართულიდან 30 წლამდე ასაკის ქალი გადმოვარდა და მძიმედ დაშავდა. ამის შესახებ ინტერპრესნიუსი წერს.

დაშავებული სამხედრო ჰოსპიტალშია მოთავსებული.

ახალგაზრდა ქალი სამედიცინო დაწესებულებაში პოლიტრავმით შეიყვანეს. მისი ჯანმრთელობის მდგომარეობა სტაბილურად მძიმეა.

შემთხვევა გორში, კომბინატის დასახლების ტერიტორიაზე გუშინ საღამოს მოხდა. ერთ-ერთი ვერსიით, ქალს სარეცხის დაფენისას ფეხი დაუცდა და აივნიდან გადმოვარდა. დაშავებულს სამი მცირეწლოვანი შვილი ჰყავს.