ჩვენ ირანის ბოროტების ღერძის წინააღმდეგ მძიმე ომის შუაში ვიმყოფებით , – ამის შესახებ ისრაელის პრემიერ-მინისტრმა ბენიამინ ნეთანიაჰუმ განაცხადა.

"ჩვენ მძიმე ომის შუაში ვიმყოფებით ირანის ბოროტების ღერძის წინააღმდეგ, რომელიც ჩვენი განადგურებისკენ მიისწრაფვის. ეს არ მოხდება, რადგან ჩვენ ვიდგებით ერთად და უფლის დახმარებით, ერთად გავიმარჯვებთ. გავათავისუფლებთ ჩვენს მძევლებს სამხრეთით, დავაბრუნებთ ჩვენს მოსახლეობას ჩრდილოეთით, ჩვენ უზრუნველვყოფთ ისრაელის მარადიულობას", – განაცხადა ნეთანიაჰუმ.

ისრაელის თავდაცვის ძალების ცნობით, ჰეზბოლას მებრძოლებთან შეტაკებებისას დღეს, რვა ისრაელელი სამხედრო დაიღუპა.