საქართველოს პრემიერ-მინისტრმა, ირაკლი კობახიძემ მთავრობის ადმინისტრაციაში მედიასთან საუბრისას გადაწყვეტილების გაუქმების თაობაზე, ანტიკორუფციული ბიუროსადმი მიმართვის საფუძველი განმარტა. მან “საერთაშორისო გამჭვირვალობა-საქართველო” უწყება და სამოქალაქო საზოგადოების სხვა ორგანიზაციები “განცხადებული საარჩევნო მიზნის მქონე სუბიექტად” გამოაცხადა.

"ერთია წმინდა სამართლებრივი მიდგომა და მეორეა სახელმწიფოებრივი მიზანშეწონილობა - ანტიკორუფციული ბიურო არ არის პოლიტიკური ორგანო, აქედან გამომდინარე, ანტიკორუფციულ ბიურო მოქმედებს არსებითად სამართლებრივი კრიტერიუმებით. ჩვენ გვაქვს იმის საშუალება, რომ სახელმწიფოებრივი მიზანშეწონილობიდანაც ამოვიდეთ, როცა შესაბამის საკითხებთან დაკავშირებით ვმსჯელობთ. სწორედ აქედან გამომდინარე წარვადგინეთ შესაბამისი მოწოდება ანტიკორუფციული ბიუროს მიმართ.

ჩვენ ჩავთვალეთ, რომ წინასაარჩევნო პერიოდში არ იქნება მიზანშეწონილი, მიუხედავად სათანადო პირობების არსებობისა, "საერთაშორისო გამჭვირვალობისთვის" თუ სხვა არასამთავრობო ორგანიზაციისთვის ასეთი სტატუსის შეფარდება. ერთი მარტივი მიზეზის გამო, რომ ეს არაფერს არ იძლევა. ერთადერთი, რასაც იძლევა, შეიძლება ვიღაცას ჰქონდეს საბაბი სპეკულაციისთვის", - განაცხადა ირაკლი კობახიძემ.

მიღებული გადაწყვეტილების გაუქმების საფუძვლად ანტიკორუფციული ბიუროს ხელმძღვანელმა რაჯდენ კუპრაშვილმა “ეროვნული ინტერესები დაასახელა”. ასევე, მან განაცხადა, რომ

ანტიკორუფციული ბიუროს ხელმძღვანელმა, რაჯდენ კუპრაშვილმა მიღებული გადაწყვეტილების საფუძვლად “ეროვნული ინტერესები” დაასახელა. მან ასევე დასძინა, რომ “არავის არ უნდა მიეცეს შესაძლებლობა, საქართველოს მოქალაქეების მიერ არჩევნებში დაფიქსირებული შედეგები ეჭვქვეშ დააყენოს”.

1-ელ ოქტომბერს, პრემიერ-მინისტრმა, ირაკლი კობახიძემ, ანტიკორუფციულ ბიუროს გადაწვეტილების გაუქმების თაობაზე მიმართა.