17 სექტემბერს მიღებულ ჰომოფობიურ კანონს, პრეზიდენტმა, სალომე ზურაბიშვილმა ხელი არ მოაწერა, — ინფორმაციას პრეზიდენტის ადმინისტრაცია ადასტურებს.

კანონის მიხედვით, პრეზიდენტის მიერ ხელის არ მოწერის შემთხვევაში კანონს ხელს მოაწერს პარლამენტის თავმჯდომარე. ხელის მოწერის შემდეგ კანონი ძალაში შევა.

ცნობისთვის, საქართველოს პარლამენტმა 17 სექტემბერს "ოჯახური ღირებულებებისა და არასრულწლოვანის დაცვის შესახებ" კანონპროექტი 84 ხმით მიიღო. აღნიშნული კანონი საზოგადოების დიდ ნაწილში ჰომოფობიურ და ცენზურის დამწესებელ კანონად აღიქმება.