კომერსანტის ინფორმაციით, Expo Georgia-ს ტერიტორიაზე დეველოპერული პროექტის განხორციელება იგეგმება. მფლობელებმა ამისთვის ბიზნესმენ მინდია საბანაძის შვილთან ერთად კომპანია დააარსეს.

არქიტექტურის სამსახურის ვებგვერდზე დაყრდნობით, ამ ეტაპზე Expo Georgia-ს ტერიტორიაზე ახალი მშენებლობა არ არის დაგეგმილი. თუმცა, Expo Georgia-ს მფლობელი კომპანიის სს "გამოფენების ცენტრის" დირექტორმა რესან ქიქავამ და მეწილე ლადო ჩიხლაძემ მიმდინარე წლის მაისში კომპანია აი ჯი დეველოფმენტ ჯორჯიას წევრ და ბიზნესმენ მინდია საბანაძის ვაჟ, ნოდარ საბანაძესთან ერთად კომპანია შექმნა.

კომერსანტს Expo Georgia-ში უთხრეს, რომ ამ ეტაპზე, დეველოპმენტის მიმართულებით სიახლე არ იგეგმება, ამავდროულად, ცვლილებები არც მფლობელების და არც საქმიანობის კუთხით არ არის.