თითქმის ერთი წელი გავიდა მას შემდეგ, რაც CNN-მა მსოფლიოს შოკისმომგვრელი ინფორმაცია აცნობა - ბრედ პიტი და ანჯელინა ჯოლი ერთმანეთს შორდებოდნენ.

მრავალი მითქმა-მოთქმის, სტატიების, ინტერვიუებისა და ჭორ-მართალის მიუხედავად, როგორც ანონიმურმა წყარომ ერთ-ერთ გამოცემას უთხრა, არც ჯოლი და არც პიტი განქორწინების პროცესს ყურადღებას აღარ აქცევენ და უფრო მეტიც, მათ ეს პროცესი შეაჩერეს.

"რამდენიმე თვეა არც ერთი მათგანი აღარ ფიქრობს ამ პროცესზე, არავინ იცის რის გაკეთებას გეგმავენ", ამბობს წყარო.

როგორც უკვე იცით, ანჯელინა და ბრედი 12 წლის განმავლობაში ჰოლივუდის ყველაზე გლამურულ წყვილად ითვლებოდნენ, თუმცა გასული წლის სექტემბერში ისინი დაშორდნენ.

ადვოკატმა ანჯელინას ნაბიჯი "ოჯახის კეთილდღეობისთვის" მიღებულ გადაწყვეტილებად გამოაცხადა და განაცხადა, რომ ჯოლი ბავშვებზე სრული მეურვეობისთვის იბრძოლებდა.

წყვილის ურთიერთობა გარკვეული დროის განმავლობაში დაიძაბა, თუმცა, როგორც აღმოჩნდა, ბოლო წვეთი პიტსა და მედოქსს შორის თვითმფრინავში მომხდარი ფიზიკური და სიტყვიერი დაპირისპირება აღმოჩნდა. ამ ამბის შემდგომ ჯოლი ბავშვებთან ერთად სახლში დაბრუნდა და პიტი გააგდო.

ანონიმურმა პირმა მომხდარი სამართალ დამცავებს შეატყობინა. FBI-მ და ლოს-ანჯელესის ოლქის ოჯახისა და ბავშვების დაცვის სააგენტომ პიტის წინააღმდეგ გამოძიება ბავშვზე ძალადობის მუხლით დაიწყეს. ბრედი უდანაშაულოდ ცნეს, მოგვიანებით მსახიობმა GQ-სთან ინტერვიუში აღნიშნა, რომ განშორების შემდეგ ტკივილი ტანჯავს და სასმელთან დაკავშირებული პრობლემებიც აქვს.

იყო ჭორები, რომ მას ურთიერთობა ფრანგ მსახიობ მარიონ კოტიართან ჰქონდა (პიტმა და მერიონმა ჭორები უარყვეს).

მოგვიანებით ბრედთან დაშორების თემაზე Vanity Fair-ს ინტევიუ ანჯელინა ჯოლიმაც მისცა, სადაც აღნიშნავდა და საუბრობდა იმაზე, თუ რა რთული აღმოჩნდა ამ გადაწყვეტილების შემდეგ ცხოვრება.

"ყველა, ვინც მათ ურთიერთობას თვალს ვადევნებთ, ვფიქრობთ, რომ ადრე თუ გვიან ისინი შერიგდებიან და სიმარტლე რომ გითხრათ ეს სიურპრიზი საერთოდ არავისთვის არ იქნება.", ამბობს წყარო.

ამ ეტაპზე კი, როგორც ანონიმური პირი ამბობს, სასამართლოში ბრანჯელინას განქორწინების საქმე შეჩერებულია.