მე ძალიან დიდი იმედი მაქვს, რომ ეს შეთანხმება შედგება, — ამის შესახებ გახარია-ხაზარაძის ორბელიანების სასახლეში შეხვედრის პირველი რაუნდი დასრულების შემდეგ გიორგი გახარიამ ტელეკომპანია ფორმულას ეთერში განაცხადა.

მისი თქმით, კოალიცია ძლიერი საქართველოსთვის და პარტია საქართველოსთვის გაერთიანებას სინერგიის ეფექტი ორი მთავარი მიზეზის გამო აქვს.

"გაერთიანების სინერგიის ეფექტი მოდის იქიდან, რომ დღეს საქართველოს ამომრჩეველში დიდ რაოდენობას გადაუწყვეტელი ამომრჩეველია. დილემაა. არ მოსწონთ დღევანდელი მდგომარეობა, მაგრამ არ უნდათ დაბრუნდნენ 2012 წლამდე არსებულ მდგომარეობაში. მეორე — მე დიდი იმედი მაქვს, რომ რომ ქალბატონი პრეზიდენტის როლი იქნება გამოკვეთილი და ეს კიდევ უფრო მეტ სინერგიას მისცემს ამ გაერთიანებას. …მე ძალიან დიდი იმედი მაქვს, რომ ეს შეთანხმება შედგება“, — განაცხადა გიორგი გახარიამ.

პრეზიდენტის სასახლიდან გამოსულმა მამუკა ხაზარაძემ ჟურნალისტებთან მოკლე კომენტარი გააკეთა. მან ჟურნალისტებს განუცხადა, რომ ერთ საათში დაბრუნდებიან და გააგრძელებენ მოლაპარაკებას.

"საუბარი მიმდინარეობს კონსტრუქციულად, ერთ საათში დავბრუნდებით", — განუცხადა ჟურნალისტებს მამუკა ხაზარაძემ.