სალომე ღვინიაშვილმა ტელეკომპანია იმედის გადაცემა პაიმშოუ 11 სექტემბერს დატოვა. გადაცემის ვებგვერდზე გამოქვეყნდა ვიდეო, რომელშიც ტელეწამყვანი მაყურებელს, ახრის თანამშრომლებსა და თანაწამყვანებს მადლობას უხდის. გავრცელებულ ვიდეოში დაკონტრეტებული არ იყოს არხის დატოვების მიზეზი.

დღეს, 12 სექტემბერს სალომე ღვინიაშვილმა სოციალურ ქსელში პოსტი გამოაქვეყნა. მისი თქმით, არხის დატოვება არ უკავშირდება არც ტელევიზიას და არც პოლიტიკას.

“ბევრი შეტყობინება მომდის თუ რატომ დავტოვე პრაიმშოუ და ბევრი ვერსია მხვდება ამასთან დაკავშირებით. ზოგმა სხვა არხზე გამიშვა, ზოგმა პოლიტიკაში. პრაიმშოუსთან ერთად თითქმის 8 საინტერესო წელი გავატარე, ახლა კი სხვა პირადი გეგმები მაქვს, რომელიც არც ტელევიზიას უკავშირდება და მით უმეტეს არც პოლიტიკას”, – წერს ღვინიაშვილი სოციალურ ქსელში.

შეგახსენებთ, ტელეწამყვანმა რამდენიმე თვის წინ რუსული კანონის წინააღმდეგ გამართული აქციის ძალადობრივი დარბევა გააპროტესტა. იმ პერიოდში გავრცელდა ცნობაც, რომ ღვინიაშვილმა ნინი ბადურაშვილთან ერთად გადაცემა დატოვა, თუმცა ეს ინფორმაცია არ დადასტურდა.