ზუგდიდის საქალაქო სასამართლომ GEM Fest-ზე ნარკოდანაშაულისთვის დაკავებულ ბაქარ ყორშიას აღკვეთის ღონისძიებად ორთვიანი პატიმრობა შეუფარდა. დაკავებული თეთრი ხმაურის მოძრაობის ერთ-ერთი მხარდამჭერია. აღკვეთის ღონისძიების შესახებ On.ge-ს ამ მოძრაობის ერთ-ერთმა წევრმა, დათო სუბელიანმა განუცხადა.

სუბელიანის ინფორმაციით, ექსპერტიზამ დაადგინა, რომ დაკავებულს 1,5 MDMA-ის არსებობა

სასამართლოს გადაწყვეტილების შესახებ ინფორმაცია თავდაპირველად ლაივპრესმა გაავრცელა. გამოცემის ინფორმაციით, სასამართლომ ყორშიას ადმინისტრაციულ სამართალდარღვევაზეც იმსჯელა სასამართლომ და მარიხუანის მოხმარებისთვის 500-ლარიანი ჯარიმა დაეკისრა.

ყორშიას დაკავების შესახებ ინფორმაცია 3 აგვისტოს გავრცელდა. მას სამართალდამცავებმა ბრალი გუშინ, 4 აგვისტოს წაუყენეს. დაკავებულ ბრალი სისხლის სამართლის კოდექსის 260-ე მუხლის მეექვსე პუნქტით წაუყენეს. ამ მუხლით, დიდი ოდენობით ნარკოტიკული საშუალების შეძენა, შენახვა, გადაზიდვა, გადაგზავნა ან გასაღება ისჯება თავისუფლების აღკვეთით ვადით რვიდან ოც წლამდე ან უვადო თავისუფლების აღკვეთით.