რუსულმა ძალებმა ზაპოროჟიეზე თავდასხმა განახორციელეს, დაიღუპა ორი ადამიანი, ორი კი დაშავდა, — ამის შესახებ ინფორმაციას უკრაინული მედია ზაპოროჟიეს საოლქო-სამხედრო ოლქის ხელმძღვანელზე, ივან ფედოროვზე დაყრდნობით ავრცელებს.

მათივე ინფორმაციით, დაღუპულებს შორის 8 წლის ბავშვია.

"სამწუხაროდ, დაიღუპა 2 ადამიანი, მათ შორის 8 წლის ბიჭი. დაჭრილია კიდევ ორი, მათ შორის 12 წლის გოგონა. ბავშვი ამჟამად რეანიმაციაშია", — აღნიშნა ფედოროვმა.

მისი თქმით, აფეთქების ტალღამ და ნამსხვრევებმა მრავალსართულიანი შენობები დააზიანა.

მოხსენებაში ასევე ნათქვამია, რომ გასული 24 საათის განმავლობაში რუსმა სამხედროებმა 313 დარტყმა მიაყენეს ზაპოროჟიეს ოლქის 11 დასახლებულ პუნქტს და დაფიქსირდა 38 ცნობა საცხოვრებელი კორპუსებისა და ინფრასტრუქტურის განადგურების შესახებ.