უკრაინის საჰაერო ძალებმა 22 აგვისტოს, კურსკში მაღალი სიზუსტის GBU-39 ტიპის ამერიკული ბომბები რუსეთის პოზიციების წინააღმდეგ გამოიყენეს, — ამის შესახებ ინფორმაციას და ვიდეოს საჰაერო ძალების მეთაური გენერალ-ლეიტენანტი, ნიკოლაი ოლეშუკი Telegram-ზე ავრცელებს.

ოლეშუკის განცხადებით, საჰაერო დარტყმები უპილოტო საფრენი აპარატების მართვის პუნქტზე, რადიოელექტრონული ბრძოლის დანაყოფზე, ტექნიკაზე, შეიარაღებაზე და 40-მდე სამხედროზეა განხორციელებული.

შეგახსენებთ, რომ საომარი მოქმედებები რუსეთის ტერიტორიაზე, კერძოდ კურსკის ოლქში, 2024 წლის 6 აგვისტოდან დაიწყო. ამ დროისთვის უკრაინა რუსეთის 94 დასახლებულ პუნქტს აკონტროლებს.