OC-Media-ს კონტრიბუტორი, აზერბაიჯანელი მკვლევარი და ჟურნალისტი, ბაჰრუს სამადოვი დააკავეს.

სამადოვი ალიევის პოლიტიკის კრიტიკოსი და სომხეთთან მშვიდობიანი ურთიერთობის მხარდამჭერია. მისი დაკავების შესახებ ცნობა 22 აგვისტოს გავრცელდა.

21 აგვისტოს ცნობილი გახდა, რომ სამადოვი ზარებსა და ტექსტურ შეტყობინებებს არ პასუხობდა. ის რამდენიმე დაგეგმილ შეხვედრაზეც არ გამოცხადდა.

აზერბაიჯანელმა ჟურნალისტმა, ნურლან ლიბრემ OC Media-ს განუცხადა, რომ სამადოვის ბებიამ სახლის ჩხრეკისა და შვილიშვილის დაკავების შესახებ გავრცელებული ინფორმაცია დაადასტურა. მისი თქმით, ბაჰრუსი ღალატის ბრალდებით დააკავეს.

სამადოვის ბებია ამბობს, რომ ბაჰრუსის მშობლები წლების წინ დაიღუპნენ და მის გარდა არავინ ჰყავს. მანვე გამოთქვა შეშფოთება, რომ შესაძლოა, სამადოვს აწამებენ.