შსს-მ ბოლო პერიოდში ჩატარებული ოპერატიული ღონისძიებებისა და საგამოძიებო მოქმედებების შედეგად, 19 პირი, საქართველოს და უცხო ქვეყნის მოქალაქეების დააკავა.

პოლიციამ ნარკოტიკების უკანონო გასაღების ბრალდებით დაკავებული პირებისგან, მოსამართლის განჩინების საფუძველზე, რამდენჯერმე განახორციელა ნარკოტიკების საკონტროლო შესყიდვა და აღნიშნული შესყიდვების ფარული აუდიო-ვიდეო ჩაწერა.

სამართალდამცავებმა ამ პირთა სახლის ჩხრეკისას, ასევე, მათ მიერ მითითებული ლოკაციებიდან დიდი რაოდენობით ნარკოტიკული საშუალებები ამოიღეს, მათ შორის: "ჰეროინი", "კოკაინი", "მდმა", "პრეგაბალინი", "მეტადონი", "ალფა პვპ", "ბუპრენორფინი", "მეტამფეტამინი", "მარიხუანა" და "ლირიკა".

პოლიციის ნივთმტკიცებად ამოღებულია სავარაუდოდ, ნარკოტიკების რეალიზაციის შედეგად მიღებული ფული, წებოვანი ლენტები და ელექტრო სასწორები.

გამოძიება საქართველოს სისხლის სამართლის კოდექსის 260-ე, 261-ე, 265-ე, 18-260-ე, 19-260-ე და 273-ე პრიმა მუხლით მიმდინარეობს და ითვალისწინებს 20 წლამდე ან უვადო თავისუფლების აღკვეთას.