ურსულა ფონ დერ ლაიენი ევროკომისიის პრეზიდენტად, ფარული კენჭისყრის შედეგად, ხელმეორედ აირჩიეს.

დღეს, 18 ივლისს გამართულ კენჭისყრაზე სტრასბურგში მან ევროპარლამენტის 401 წევრის მხარდაჭერა მოიპოვა, მის წინააღმდეგ ხმა მისცა 284-მა, 15-მა დეპუტატმა კი — თავი შეიკავა.

ურსულა ფონ დერ ლაიენი, ევროპის სახალხო პარტიიდან (EPP), პირველად ამ თანამდებობაზე 2019 წელს აირჩიეს.

ახლა ის ევროკავშირის სათავეში კიდევ ხუთი წლის განმავლობაში იქნება.