საქართველოს საკონსტიტუციო სასამართლოს მოსამართლის, ვასილ როინიშვილის ცოლი, დიანა ცინდელიანი რუსეთის ვაჭრობისა და მრეწველობის სამინისტროში მუშაობდა.

როინიშვილის 2024 წელს შევსებული დეკლარაციის მიხედვით, მისი ცოლი, 2023 წლის 1-ელი იანვრიდან 6 ოქტომბრის ჩათვლით, რუსეთის სამინისტროს იურიდიული დეპარტამენტში, კანონპროექტებზე მუშაობის განყოფილების უფროსის მოადგილე იყო.

დეკლარაციის თანახმად, დიანა ცინდელიანმა, ამ პერიოდში, შემოსავლის სახით, 1130 41 რუბლი მიიღო.

ვასილ როინიშვილი საქართველოს საკონსტიტუციო სასამართლოს წევრად 2020 წლის 29 მაისს დაინიშნა.

არასამთავრობო ორგანიზაციები და პოლიტიკოსების ნაწილი აცხადებდა, რომ პროცესი გაუმჭვირვალე იყო და არსებობდა გავლენების გაძლიერების საფრთხე.

გაიგე მეტი: საია საკონსტიტუციო სასამართლოს წევრად ვასილ როინიშვილის დანიშვნის პროცედურებს უარყოფითად აფასებს

ასევე, ნახეთ: არანაირი კლანი არ არის, რას ქვია კლანი... ეგება მე ვარ თავმჯდომარე ამ კლანის — საკონსტიტუციოს ახალი მოსამართლე